Ku ëndrrat realizohen?

ANDËRR

Pushoni. Dëfrehuni. Ëndërroni. Nëse dëshironi t’i ikni të zakonshmes, atëherë Andërr Cafe mund të jetë për ju.

Andërr, nuk ka për synim të jetë vetëm për klient të natës, por ju lejon që të ëndërroni edhe ditën.

Gjatë ditës ju mund të porositni ushqim të shijshëm me një kafe kurse gjatë natës të pini ca birra, raki të shtëpisë ose ndoshta një apo dy koktej.

Nuk i dihet, ju mund të keni një ëndërr interesante pasi që e merrni një shot që quhet “melaqe” ose “lezet”.

Ushqimi është kryesisht i shpejtë – senduiqë, hamburgerë ose sallata me një mesatare të çmimit dy euro.

Ngjyra e bardhë dominon gjithandej, por ka edhe elemente shqiptare me ngjyrë që i gjeni tek qilimat e tyre punëdore.

Pasqyrat dhe fotografitë e mëdha nga Jetmir Idrizi e kompletojnë ambientin për t’u dukur edhe më shumë “Andërr”.

Çdo javë, të Mërkurën dhe të Premten, ju mund të zbaviteni me muzikën jazz nga bende dhe DJ të ndryshëm.

Andërr është në kërkim të artistëve që duan një vend ku mund të shfaqin punën e tyre, ose të organizojnë punëtori.

Albume të artistëve dhe bendeve janë në dispozicionin tuaj për t’i blerë. Midis tyre: Garazhat e Bardha, Shpat Deda, Genc Salihu, Cute Babulja, OM Quartet dhe the Glasses.

Andërr planifikon të organizojë ekspozitën me fotografi nga fotografë ndërkombëtare të realizuara me fëmijë të komunitetit rom në Kosovë. Ekspozita do të mbahet më 10 janar, 2012.

Ish kafeneja “Purple” në Pejton
Rruga Justinian
Tel: 045 636 667, 044 607 889
Vizitoni faqën e tyre në Facebook për më shumë informata
Hapur prej orës 7:00 AM deri në orën 3:00 AM